Шумските пожари, предизвикани намерно или од грмотевици, а поттикнати од топлотниот бран и силните ветрови, продолжуваат да уништуваат делови од Јужна Европа, палејќи домови и принудувајќи илјадници жители и туристи на евакуација.
Од почетокот на годината, во Еврозоната, опожарени се речиси 440.000 хектари. Ништо подобро не е ниту на Балканот…За 24 часа, во Албанија регистрирани 64 пожари…Најкритично во округот Валона, каде и покрај сите напори, пожарите продолжуваат да се шират…Издадена е наредба за евакуација откако во регионот, веќе изгореа осум села…Од министерството за внатрешни работи пак велат дека за само 2 месеци – за 137 лица постои сомневање дека ги предизвикале пожарите…
Во меѓувреме, се подобрува ситуацијата со пожарите во Грција …активни остануваат на Пелопонез и на островот Хиос ..Три лица се уапсени под сомнение дека подметнале два од низата пожари во близина на градот Патра, во северозападниот дел на Пелопонез …
Василис Ватракојанис – портпарол на противпожарната служба на Грција
„Тешко ќе биде да се изгаси пожарот на Хиос бидејќи е на непристапен терен во северозападниот и североисточниот дел. ..Упатуваме силна препорака за избегнување на активности што би можеле да предизвикаат пожар. Силите на Противпожарната служба, како и сите сили на цивилната заштита, остануваат во состојба на целосна готовност. “
Ден на жалост во Црна Гора по смртта на припадник на армијата кој учествуваше во гаснењето на пожарите кои ја зафатија земјата…Продолжува борбатаб со пожарите кои опустошија дел од земјата а Институтот за јавно здравје апелира на претпазливост бидејќи воздухот е загаден… Бесплатни заштитни маски можат да се добијат од државните аптеки.
Здравко Ивановиќ – жител на Црна Гора
„Ситуацијата беше апокалиптична. Се гореше . За среќа навреме дојде противпожарната служба и успеа да спаси голем дел од шумата. “
Пожари и во Хрватска…После вчерашниот тежок ден за пожарникарите во Истра, ситуацијата денеска е стабила и под контрола…
Извор: 24vesti.mk
