Директорот на Центарот за управување со кризи, Мухамед Али, информира дека пожарот во селото Челопеци, Општина Кичево, е делумно ставен под контрола. Според него, огнот во делот кај складот е изгаснат, но пожарот кон шумскиот предел и понатаму е активен, зафаќајќи нискостеблеста шума.
Во вечерните часови, екипа од припадници на Армијата на Република Македонија ќе остане на терен како противпожарно дежурство.
За утре наутро е планирана засилена воздушна поддршка во гаснењето, со ангажирање на два хеликоптера на Министерството за внатрешни работи, два ЕР-трактори на Дирекцијата за заштита и спасување и еден хеликоптер на Армијата.
ИЗВОР: ТВ 21
