Едно лице загина, 29 се повредени во земјотресот со магнитуда од 6,1 степен во западна Турција

ИСТАНБУЛ (АА) – Турција синоќа ја потресе земјотрес со магнитуда од 6,1 степен, јавува Анадолу.

Агенцијата за управување со катастрофи и вонредни состојби (АФАД) информираше дека епицентарот на земјотресот бил во округот Синдирги во турската област Баликесир.

Земјотресот е регистриран на длабочина од 11 километри.

Mинистерот за внатрешни работи на Турција, Али Јерликаја, изјави дека 81-годишен граѓанин им подлегнал на повредите откако бил спасен од урната зграда.

Дваесет и девет други повредени исто така се спасени, при што ниту еден не е во животно-загрозувачка состојба.

Првичните проценки покажуваат дека 16 згради во 68 населби се урнале како резултат на земјотресот и последователните потреси.

Турскиот претседател Реџеп Таип Ердоган им изрази сочувство на сите погодени, истакнувајќи дека одблизу ќе ги следи последиците.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.