Голем пожар што избувна југозападно од Атина во саботата одзеде еден човечки живот и продолжува да се шири поради силните ветрови. Грчките медиуми известуваат дека ситуацијата е главно под контрола, а во гаснењето учествуваат неколку хеликоптери и канадери.
Пожарот беснее на околу 35 километри од Атина, а градоначалникот на едно од погодените села изјави дека пожарот е подметнат. На местото каде што започна огнот е пронајдена гасна боца, а локалните жители забележале сомнително однесување на лице кое се движело на мотор.
Поради пожарот евакуирани се неколку села, а околу 400 луѓе се спасени. Дел од куќите во погоденото подрачје изгореа, но точната штета сè уште не е позната. Во петокот, при пожарот загина маж чија куќа била опколена со пламен.
Извор: 24vesti.mk
