АНКАРА (АА) – Јапонскиот вулкан Шинмоедаке еруптираше денес, исфрлајќи густи облаци од пепел во воздухот повеќе од 3,2 км над кратерот, објавија локалните медиуми, известува Анадолу.
Ерупцијата се случила околу 5:23 часот наутро по локално време, при што пепелта лебдела кон североистокот и може да стигне до местото Таканабе во јапонската префектурата Мијазаки, објави локалниот весник на англиски јазик, The Japan News.
Вулканот во планинскиот венец Киришима еруптира повремено од 27 јуни.
Јапонската агенција за метеорологија предупреди дека е можно мали вулкански камења да паднат на оддалеченост од околу 14,5 км североисточно од кратерот.
Агенцијата ги советуваше жителите да бидат внимателни од можноста на големи вулкански камења во радиус од 3 км од кратерот и пирокластични текови (брза струја на топол гас и вулканска материја (позната како тефра) која се движи подалеку од вулканот и достигнува брзина до 700 километри на час, додека гасот може да достигне температура од околу 1.000 °C.) во радиус од 2 км.
Извор: Anadolu Agency (AA)
