Почина новинарката и уредничка на Сателитскиот канал на МТВ, Јулијана Тануровска. Битката со подмолната болест ја изгуби во 60-тата година од животот.
Своето новинарско искуство како дипломиран новинар го почна во Македонско Радио а потоа продолжи во МТВ. Ќе остане запаметена како новинарка која обработува теми од образованието а подоцна и теми од областа на црквата, верата, религиите.
Погребот ќе се одржи утре (недела) на градските гробишта Бутел.
Социјалните мрежи се преполни со написи за Тануровска, која покрај со професионалниот однос кон темите што ги обработуваше, остави трајни траги и во односот со колегите. Секогаш расположена да помогне и да побара помош, таа на секој еден проблем му приоѓаше од поведрата страна. Дружељубива, пријателски расположена и позитивна, таква ќе ја паметат сите што ја познаваа.
Почивај во мир Јулијана Тануровска!
Извор: 24vesti.mk
