Фудбалерот на Наполи, Ромелу Лукаку, одговори на прашањето дали е можно да продолжи со подобрување на своите перформанси и на 32-годишна возраст.
-Секако, имам сè што е потребно за ова. Дури имам и теретана дома. Во фудбалот има одлични играчи како Лионел Меси, Кристијано Роналдо, Роберт Левандовски и Златан Ибрахимовиќ, но мој пример е Карим Бензема, кој ја освои Златната топка по својата 32 година, изјави Лукаку за „Газета дело Спорт“.
Фудбалерот верува дека треба да гледа напред со вистински став. Тој исто така истакна дека четирикратниот шампион на НБА, Леброн Џејмс, има ист пристап.
Лукаку игра за Наполи од 2024 година. Пред тоа, играше за Челзи, Рома, Интер, Манчестер јунајтед, Евертон и други тимови.
Во сезоната 2024/25, Белгиецот одигра 38 натпревари во Серија А и Купот на Италија, постигнувајќи 14 гола и 11 асистенции. (МИА)
Извор: kurir.mk
