ХАМИЛТОН (АА) – Канадски извештај открива дека антимуслиманското расположение (исламофобија) се зголемило до 1.800 % низ целата земја откако Израел го започна нападот врз Појасот Газа на 7 октомври 2023 година, известува Анадолу.
Центарот за проучување на исламофобијата на Универзитетот „Јорк“ го објави својот извештај под наслов „Документирање на палестинскиот исклучок“, врз основа на 16 канадски организации, јавно достапни податоци и информации објавени во медиумите.
Националниот совет на канадски муслимани (NCCM), чии податоци се цитирани во извештајот, објави дека инцидентите на исламофобија се зголемиле до 1.800 % еден месец по 7 октомври 2023 година.
– Повик „Веднаш да се премине во акција“
Авторката на извештајот, Надија Хасан, за медиумите изјави:
„По октомври 2023 година, во Канада е забележано зголемување на расизмот кон Палестинците, исламофобијата и расизмот кон Арапите, што влијаеше врз секојдневниот и професионалниот живот на Канаѓаните“.
Амира Елгаваби, специјалната претставничка на Канада за борба против исламофобијата, изјави дека наодите од извештајот бараат итна акција.
Елгаваби нагласи дека Канаѓаните кои ги бранат човековите права на Палестинците се „цензурирани и замолчени“, што влијае врз нивните животи.
Во извештајот се повикува на дефинирање на расизмот против Палестинците, зголемување на одговорноста за злосторствата од омраза и истражување на начинот на кој училиштата и јавните институции се справуваат со кривични дела од омраза.
Извор: Anadolu Agency (AA)
