МОН ќе направи анализа доколку е потребно настава во домашни услови да има за ученици повредени во пожарот во Кочани

August 6, 2025
1 min read

МОН ќе направи анализа дали е потребно и колку ученици би учеле во домашни услови од повредените во пожарот во Кочани од почетокот на учебната година. 

Министерката за образование и наука Весна Јаневска денеска, најавувајќи воведување формално основно образование за деца со канцер кои се на долготрајно лекување во болнички услови, рече дека од септември ќе се потрудат ваков вид настава да има и за ученици кои се рехабилитираат по повредите во пожарот во „Пулс“.

– Сега е лето, ќе направиме анализа, доколку има потреба дефинитивно ќе бидат вклучени, иако не сум сигурна дека се многу. Оние што завршуваа четврта година, дел веќе полагаа матура, мислам дека едно до две деца се оставени сега да полагаат матура, изјави министерката Јаневска одговарајќи на новинарско прашање при посетата на Клиниката за детски болести. 

На прашањето дали покрај во болнички услови, ваков вид образование ќе имаат и децата што се лекуваат дома, таа одговори дека проектот предвидува истиот принцип да се одвива и во домашни услови.

-Дефинитивно, овие деца со канцер, покрај лекување во болница, се рехабилитираат во домашни услови. Наставникот определен за детето може да го посети во домот,  доколку има услови и дозволи здравствената состојба на детето, или преку онлајн да го совладуваат потребниот материјал. Но, покрај тоа што тие нема да ја изгубат годината, тие ќе бидат и мотивирани. Дали во клиника, дали во домашни услови или во центар за рехабилитација, наставата ќе се одвива, а со тоа и социјализацијата на овие деца, истакна Јаневска.

Нагласи дека придобивката од проектот е повеќекратна и дека децата ќе почувствуваат емпатија од училиштето, од нивните другарчиња и наставниците. 

-Придобивката е повеќекратна и навистина ми е жал што досега ова не било остварено, додаде министерката за образование и наука.

Извор: 24vesti.mk

MARKETING

MARKETING

Претходно

Илиевски: Функционираме како тим, очекувам да бидеме подобри во нападот

Следно

Казни до 5.000 евра и доживотен затвор: На сила нови сообраќајни закони во Грција и Бугарија

Latest from Blog

Во Словенија одржан протест поради влошената хуманитарна состојба во Газа

Во главниот град на Словенија, Љубљана, се одржа протест со цел да се привлече вниманието кон влошената хуманитарна состојба во Газа, каде што Израел ги интензивира своите напади, јавува Анадолу. Демонстрантите се

Млади турски научници спроведоа низа истражувања на Арктикот

Тројца турски средношколци имаа можност да спроведат истражувања во Арктичкиот Океан како дел од петтата турска Национална арктичка научноистражувачка експедиција (TASE V) оваа година, пишува Анадолу. Финалистите во проектите 2204-C и 2204-D

Спасен параглајдеристот кој висеше закачен на дрво високо над 30 метри

Доцна попладнево, кај Крушево се одвиваше драматична спасувачка акција, откако странски државјанин што летал со параглајдер завршил закачен на дрво високо над 30 метри. По добиената дојава од полициската станица во Крушево,

Ристоска: Размислувам дали да се кандидирам по втор пат, не сакам да ја легитимирам одлуката на владата, ќе тужам за клевета

„Сите настани што се случуваа во изминатиов период – клеветничките кампањи, укажувањата да ја повлечам апликацијата, нетранспарентноста на владата при поништување на листата, ме наведоа на заклучок дека не треба да се
Go toTop