Турскиот одбранбен гигант Аселсан со рекордни договори за извоз од 1,3 милијарди долари во првата половина од годината

August 6, 2025
1 min read

ИСТАНБУЛ (АА) – Турската одбранбена компанија Аселсан вчера објави дека во првите шест месеци од 2025 година потпишала директни и индиректни договори за извоз во вредност од 1,3 милијарди долари, продолжувајќи ја својата стратегија за извозно ориентиран раст со „решителност“, јавува Анадолу.

Во периодот од првите шест месеци од 2025 година, приходите на компанијата достигнаа 53,7 милијарди турски лири (1,32 милијарди долари), што претставува пораст од 11,3 % во однос на истиот период минатата година. Овој раст, според Аселсан, е резултат на континуираните испораки во области како што се противвоздушна одбрана, електрооптика, радари, авијација, електронско војување, безбедносни и вооружени системи.

Во првата половина на годината, компанијата склучила нови договори во вредност од 2,8 милијарди долари, што е зголемување од 10 % во споредба со истиот период минатата година. Вредноста на активните нарачки се зголемила за 30 %, достигнувајќи 16 милијарди долари.

Оперативната добивка пред камати, даноци, амортизација и отписи (EBITDA) се зголемила за 15 % на 319,7 милиони долари, со маргина од 25 %, додека „Book-to-Bill“ односот изнесувал 2 (односот на примени нарачки кон наплатени за одреден период), што ја позиционира компанијата над индустрискиот просек.

Во истиот период, вложувањата во истражување и развој (R&D) пораснале за 42 %, достигнувајќи 572 милиони долари, додека вложувањата во инфраструктура се зголемени дупло, односно 100 %, достигнувајќи 104 милиони долари.

Главниот извршен директор на Аселсан, Ахмет Акиол, истакна дека со програмата Аселсан некст, започната во 2024 година, компанијата добила силен финансиски замав.

„Нашите резултати од вториот квартал уште еднаш потврдија дека го задржавме овој импулс во првата половина од 2025 година“, рече Акиол.

„Можеме да истакнеме три клучни фактори зад овој успех: прво, фокусирање на високотехнолошки производи и брзо лансирање на производи; второ, подобрувања на ефикасноста; и трето, напори за локализација“, истакна тој.

Според Акиол, пазарната капитализација на Аселсан ја надминала вредноста од 21 милијарда долари, што ја одразува довербата на инвеститорите и нивната верба во долгорочниот потенцијал на компанијата.

„Ќе продолжиме да напредуваме со истата решителност во втората половина од годината. Ќе го одржиме нашето истражување и развој и инвестиции, особено зголемувањеto на нашиот сериски производствен капацитет во критични области како што се воздушна одбрана, радар, паметна муниција, системи за водење и електрооптика. Со нашата стратегија за раст ориентирана кон извоз, ќе се прошириме на нови пазари“, додаде тој.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.

Извор: Anadolu Agency (AA)

MARKETING

MARKETING

Претходно

Македонија домаќин на Светско училишно првенство во ракомет 2026 – Скопје ќе ги пречека најдобрите млади ракометари во светот

Следно

Димитриеска-Кочоска: Највисока буџетска наплата досега – јули со рекордни приходи

Latest from Blog

Шест тенисери ќе се борат на турнирот во Ријад!

Најдобрите светски тенисери го потврдија своето учество на овогодинешниот „Six Kings Slam”, кој повторно ќе се одржи во главниот град на Саудиска Арабија, Ријад. Овој турнир го има најголемиот награден фонд во

Во Словенија одржан протест поради влошената хуманитарна состојба во Газа

Во главниот град на Словенија, Љубљана, се одржа протест со цел да се привлече вниманието кон влошената хуманитарна состојба во Газа, каде што Израел ги интензивира своите напади, јавува Анадолу. Демонстрантите се

Млади турски научници спроведоа низа истражувања на Арктикот

Тројца турски средношколци имаа можност да спроведат истражувања во Арктичкиот Океан како дел од петтата турска Национална арктичка научноистражувачка експедиција (TASE V) оваа година, пишува Анадолу. Финалистите во проектите 2204-C и 2204-D

Спасен параглајдеристот кој висеше закачен на дрво високо над 30 метри

Доцна попладнево, кај Крушево се одвиваше драматична спасувачка акција, откако странски државјанин што летал со параглајдер завршил закачен на дрво високо над 30 метри. По добиената дојава од полициската станица во Крушево,
Go toTop