Невреме со дожд, град и ветер во Скопје и во неколку други градови

Обилен дожд, град, ветер и грмотевици попладнево зафатија делови од Скопје и од други градови.

Според Управата за хидрометеоролошки работи (УХМР), централните, северозападните и североисточните делови на Македонија се зафатени од силна нестабилна облачна маса, која е проследена со интензивни поројни врнежи од дожд, грмежи, засилен ветер и наместа појава на град.

Оттаму додаваат дека нестабилна облачна маса има и во Прилепскиот Регион, измеѓу Прилеп и Росоман, Неготино, Демир Капија, Виница, Делчево, каде што има појава на пороен дожд, силни електрични празнење, засилен ветер и појава на град.

Според последните мерења на УХМР, температурите попладнево се движат од 11 Целзиусови степени на Попова Шапка до 33 степени во Демир Капија.