Континуирано се зголемува бројот на откриени случаи на синџири на педофилија, што го потврдува ширењето и сериозноста на овој проблем. Според податоците на Интерпол, на интернет во секој момент има околу 750.000 онлајн предатори, а бројни студии покажуваат дека граници не постојат и дека овој проблем е присутен во сите делови на светот.
Експертите предупредуваат дека прикачувањето слики од децата на социјалните мрежи е крајно опасно. Кога фотографијата е вирална вие не знаете кој се ќе дојде до неа и што ќе прави со истата вели Ирена Христовска НЛП тренер за млади и родители.
Првата детска амбасада во светот Меѓаши апелира до јавноста за зголемување на свеста за почитување на правата на децата при објавување вести, слики, видеа и други материјали поврзани со деца.
Според препораките на, доколку се објавува каква и да е содржина со изјава на дете, препорачливо е ликот на детето да се замагли, да не се открива идентитетот, а во самиот пост да се каже која е целта за објавување на истото и притоа да се нагласи јасно дека постои согласност од детето и родителот или старателот дека се согласуваат истото да биде објавено. Но, воопшто пред да се објави што било за и од детето, мора самото дете да биде прашано дали може истото да се објави.
Во меѓувреме и фотографиите од летните одмори низ социјалните мрежи прават проблем односно многупати го подгреваат апетитот и на крадците. Најголем дел од кражбите се случуваат во лето, кога поголемиот дел од граѓаните заминуваат на летување па домовите се празни. Од МВР информираат дека само во месеците јуни јули се регистрирани 967 кражби на територијата на државата.
„На територијата на државата во периодот јуни-јули 2025 регистрирани се 967 кривични дела, од кои 689 се „тешка кражба“ и 278 „кражба“. Споредбено со истиот период од претходната година бројот на кражби и тешки кражби е намален за околу 20%.”- велат од МВР и апелираат кога заминуваат од својот дом граѓаните треба да бидат особено внимателни и да не оставаат впечаток дека не се дома, односно да не го објавуваат своето отсуство на социјалните мрежи. Своите вредни предмети треба да ги заштитат во банкарски сефови, да инсталираат алармни уреди и безбедносни камери.
Извор: 24vesti.mk
