Студија: Циклоните поврзани со порастот на хоспитализации поради срцеви заболувања

ИСТАНБУЛ (АА) – Тропските циклони се поврзани со наглиот пораст на кардиоваскуларните хоспитализации, покажа австралиско-новозеландска студија, објави денес Радио Нов Зеланд, пренесува Анадолу.

Истражувачи од универзитетите во Монаш и Отаго анализирале болнички записи од шест земји и региони – Нов Зеланд, Канада, Јужна Кореја, Тајван, Тајланд и Виетнам – во периодот помеѓу 2000 и 2019 година, како и податоци од 124 циклони.

Тие откриле дека хоспитализациите поради кардиоваскуларни заболувања го достигнуваат својот врв два месеци по удар на циклон, а растот може да трае и до шест месеци.

Истражувачите, исто така, откриле дека влијанието е зголемено во социоекономски проблематичните подрачја.

„Студијата покажува дека покрај тоа што директно предизвикуваат непосредна смрт и повреди, екстремните климатски случувања можат да имаат важни индиректни здравствени влијанија во текот на наредните месеци“, изјави истражувачот Сајмон Хејлс од Универзитетот Отаго.

„Овие одложени, индиректни здравствени влијанија се должат на оштетување на инфраструктурата и нарушување на егзистенцијата по големите бури“, додаде тој.

Со оглед на тоа што се очекува климатските промени да поттикнат почести и поинтензивни бури, Хејлс предупреди дека здравствените системи треба да се адаптираат.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.