Рацин.мк разговараше со свои извори во Обвинителството кои побараа да бидат анонимни. Во изјавата ни соопштија дека најверојатно станува збор за можен педофилски прстен. Сопругот ги препродавал видеата на клиенти во Италија кои понатаму истите ги продавале на заинтересирани клиенти во Белгија и Германија. Постои можност за проширување на истрагата во меѓународни рамки.
Македонија е во шок по денешната информација дека Основното јавно обвинителство Гостивар донесе Наредба за спроведување истражна постапка против мајка од гостиварско за која постои основано сомнение дека спрема нејзините две деца – девојче родено 2015 година и момче родено 2022 година, сторила кривично дело – Запуштање и малтретирање дете, производство и дистрибуција на детска порнографија, додека две други жени се осомничени за – Силување на децата кои не наполниле 15 години.
Триесетгодишната мајка грубо ја запоставила својата должност за грижа за децата и дозволила двете 22-годишни жени да извршат полови дејствија со нејзините деца. За тоа време, мајката настанот го снимала со мобилен телефон, а видеото со детска порнографија преку апликација ја испратила на нејзиниот сопруг кој се наоѓал во Италија.
Јавниот обвинител до судијата на претходна постапка од Основниот суд во Гостивар достави предлог за определување мерка притвор за трите осомничени.
ИЗВОР: racin.mk
