Шефот на израелскиот Генералштаб гледа потенцијал за прекин на огнот во Газа

Началникот на Генералштабот на израелската армија, Ејал Замир, изјави дека се зголемуваат шансите за договор за прекин на огнот во Појасот Газа, во рамки на спогодба за ослободување на заложниците што ги држи палестинското движење Хамас, јави ДПА.

Замир го кажа тоа пред израелски војници во Газа, според армиски извори.

Израел и Хамас со месеци водат индиректни преговори во катарската престолнина Доха, со цел постигнување компромис. Во преговорите посредуваат дипломати од Катар, Египет и САД.

Замир изјави дека армијата е подготвена за сите можни сценарија.