Партијата Левица остро реагира на директорската гарнитура на АД ЕСМ за рекордни загуби, коруптивни тендери и продолжување на партиското вработување… Според нив, наместо ветената консолидација, јавното претпријатие тоне во долгови, додека тендерите ги добиваат фирми без вработени и без техничка способност. РЕК Битола склучи скандалозен тендер за чистење со фирма која нема ниту еден вработен и која е формирана само 4 месеци пред склучување на договорот за јавни набавки. Иако, согласно огласот објавен од АД ЕСМ, потребно било компанијата да има минимум 310 вработени и соодветната техничка опременост, тендерот вреден над 2 милиони евра го добива компанијата „Техно Коп Плус ДООЕЛ“ од Битола без ниту еден вработен.
Извор: 24vesti.mk
