Пет и пол години затвор за 35 годишната Дејесус Невес Марлиене од Бразил, првообвинетата за случајот со носење Бразилки во Скопје и посредување при проституција во период од декември 2023 до ноември 2024г.
Секоја жртва имала креиран еден или повеќе профили веб сајт, каде биле објавени телефонски броеви и листа на цени на сексуални услуги што се движеле од 150 евра до 800 евра, како и фотографии со експлицитна содржина, а профилите ги контролирала првообвинетата која контактирала со потенцијални клиенти, го организирала дневниот распоред на клиентите за секоја девојка, го определувала времетраењето на давање на услугите и гарантирала за нивната безбедност.
За нејзиниот ангажман добивала 30% од заработувачката. Парите ги делела со второобвинетиот Маан Махмалад, државјанин на Македонија роден во Сирија. Тој не призна вина за разлика од останатите тројца и судот ја одвои постапката за него. Третообвинетиот, Сабедин Демири таксистот ги превезувал женските лица од Бразил, а четвртообвинетиот пак, Немања Михајловски, бил во љубовна врска со една од девојките, а платил и за тоа што таа го придружувала при неговите патувања во Рим и Лондон. Парите кои таа ги заработувала се инвестирале во криптовалути.Третообвинетиот и четвртообвинетиот признаа вина и добија условна.
Жртвите биле сместени во претходно изнајмени станови во комплекс во Скопје-каде истите давале сексуални услуги на клиенти.
Извор: 24vesti.mk
