Дел од македонските млади ракометарки кои се со младинската репрезентација на Европското првенство во Црна Гора беа учеснички на програмата „Почитувај го твојот талент“ организирана од Европската ракометна федерација (ЕХФ).
На собирот со врсничките во спортска сала „Верде“ во подгорица беа: Софи Гошевска , Дарија Наумоска , Дона Тодоровска, Анастасија Трпеска и Михаела Кралева.
Програмата беше водена од вистински ракометни легенди – Ана Грос, Катрин Лунде и Ана Вјахирева, кои ги споделија своите искуства и совети со идните ѕвезди на европскиот ракомет.
Теми на кои беше ставен акцент: Одговорноста на и надвор од теренот; балансирање меѓу личниот живот и професионалната кариера и менталната подготвеност и личен развој, горди сме што нашите млади ракометарки се дел од иницијативи кои ја градат иднината на спортот – не само како спортисти, туку и како личности!
Извор: kurir.mk
