Турскиот и сомалискиот претседател во Анкара разговараа за билатералните односи и регионалните прашања

АНКАРА (АА) – Турскиот претседател Реџеп Таип Ердоган денес во Анкара оствари средба со својот сомалиски колега Хасан Шеик Махмуд, каде разговараа за билатералните односи и регионалните прашања, соопшти Дирекцијата за комуникации на Турција, јавува Анадолу.

Средбата зад затворени врати се одржа во Претседателскиот комплекс, соопшти Дирекцијата на X.

За време на состанокот, Ердоган истакна дека соработката меѓу двете земји ќе продолжи да расте и дека ќе се преземат чекори за понатамошен развој на односите.

Тој дополнително нагласи дека Анкара ќе продолжи да стои покрај сомалискиот народ во нивната борба против тероризмот и посочи дека е важно Сомалија да постигне национално единство во своите напори против тероризмот.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.