„Се наоѓам во Визбегово и малите дупки со вода што ги гледате тука не се од дождот, ниту од миење на асфалтот или дворовите на куќите во околината. Туку станува збор за оштетување на водоводната мрежа на улица 1“, пренесува репортерот на ТВ21, Ваљон Салаи.
Според жителите на населбата Визбегово на улица „1“, оштетени се цевките од водоводната мрежа. Овој проблем трае повеќе од две недели.
Енес Мифтари вели дека веќе десет дена откако дошол во татковина, уште првиот ден се соочил со овој проблем. Според него, како да не беше доволно што улицата е неасфалтирана, сега и водата што истекува дополнително ја влошува состојбата на оваа улица.
„Проблем број еден е улицата, а бидејќи јас сум иселеник, сега сум дојден на одмор, околу десет дена сум тука. Овој проблем со водоводот што го гледате е постојано присутен. Веќе десет дена минувам овде и се соочуваме со овој проблем. Има и недостаток на вода, бидејќи водата постојано истекува. И секој пат кога минуваме со автомобил, се оштетуваат автомобилите, се прскаат, се калуваат, цело време треба да ги чистиме колите. Ова е неподносливо!“ – вели Енес Мифтари, жител.
Екипата на Телевизија 21 за овој проблем се обрати до ЈП Водовод и канализација, за да праша дали се запознаени со истото, но до објавување на овој текст не добивме одговор.
Според жителите, овие дефекти предизвикуваат недостиг на питка вода во различни делови од населбата.
ИЗВОР: ТВ 21
