СКОПЈЕ (АА) – Со своите природни убавини и бенифитите што ги има по здравјето на луѓето Чермик во југоисточната турска област Шанлиурфа ги пречекува посетителите во сите четири сезони од годината со своите термални извори, геолошките форми што наликуваат на самовилските оџаци и водопади, а во летните месеци особено се издвојува по својот водотек и кањонот Синек, јавува Анадолу.
Чермик, кој го посетуваат и домашни и странски туристи, придонесува за развој на туристичката разновидност во регионот нудејќи прошетки во природа, кампување и активности што се спроведуваат покрај вода во текот на летото.
Поради високите температури во летните месеци во Дијарбакир и околината, посетителите го претпочитаат кањонот поради студената вода и природната климатизација на подрачјето.
Во подрачјето постојат патеки за прошетки во природа и откривање на природните убавини во должина од скоро 60 километри.
Тука минува и таканаречениот Кралски пат, кој бил рута на важни трговски патишта низ историјата.
Водопадите во Јабанарди и Шејхандеде, како и водотекот и кањонот Синек се најголемите карактеристики на Чермик.
Извор: Anadolu Agency (AA)
