Во центарот на Белград денеска се одржува голем студентски протест, со барања за распуштање на парламентот и распишување вонредни избори, како и прекин на протестниот камп во Пионирски парк. Организаторите најавија дека, доколку барањата не се исполнат до 21 часот, можни се акции на граѓанска непослушност. Протестот започнува во 18 часот од повеќе локации низ Белград, а ќе заврши на плоштадот Славија, каде се одржува културна програма со говори и музика. Претседателот Александар Вучиќ порача дека Србија нема да прифати ултиматуми, додека обвинителството повика на воздржаност. Протестот се одржува на Видовден, што дополнително ги зголемува политичките тензии во Белград.
Извор: 24vesti.mk
