АНКАРА (АА) – Претседателот Реџеп Таип Ердоган го осуди гнасниот терористички напад врз црквата „Свети Илија“ во Дамаск и изјави: „Нема да дозволиме Сирија да биде вовлечена во нова средина на нестабилност со подизведувачки терористички организации. Ќе продолжиме да ја поддржуваме борбата на Сирија против тероризмот“, известува Анадолу.
Претседателот Ердоган на својот профил на социјалните мрежи го објави следното:
„Го осудувам гнасниот терористички напад врз црквата „Свети Илија“ во Дамаск, главниот град на Сирија. Им изразувам сочувство на семејствата и најблиските на оние што ги загубија животите во нападот, на сириската Влада и на народот, а на повредените им посакувам брзо закрепнување.
Ние стоиме зад сирискиот народ и Влада против овој гнасен терористички чин што ги цели мирот и безбедноста на Сирија, нејзиниот внатрешен мир и култура на заедничко живеење и стабилноста на нашиот регион. Никогаш нема да дозволиме нашиот сосед и брат Сирија, кој за прв пат по години угнетување и конфликти гледа кон својата иднина со надеж, да биде влечен во нова средина на нестабилност од рацете на подизведувачките терористички организации. Ќе продолжиме да ја поддржуваме сириската Влада во нејзината борба против тероризмот.“
Извор: Anadolu Agency (AA)
