Ракометната федерација на Македонија ги одреди официјалните лица за завршницата на Купот на Македонија во машка и женска конкуренција.
Кај мажите за првото полуфинале меѓу Вардар и Алкалоид делегирани се Исмаил Металари и Ненад Николовски, додека на вториот меч меѓу Еурофарм Пелистер и Охрид ќе судат нашите најдобри судии Славе Николов и Ѓорѓи Начевски. Засега не се познати арбитрите за финалниот натпревар, ама голема е веројатноста честа да им припадне на најдобрите.
Од друга страна, на турнирот во Радовиш кај дамите првото полуфинале во кое играат Ѓорче Петров и Вардар ќе го судат Сања Божиновска и Адриана Здравковска, додека мечот меѓу Чаир и Металург им припадна на Михајло и Методија Илиевски.
Кај дамите веќе е познато дека финалето ќе го судат Марија Илиева и Силвана Карбеска.
Извор: kurir.mk
