Кога исчезнале биле деца – денес се возрасни, но ниту трага а ниту глас од нивното исчезнување до денес. Македонската статистика е аларамнтна ако се има во предвид фактот дека и едно исчезнато дете е премногу, како за општеството така и за семејството.
Заклучно со 26.05.2025 МВР има распишано централни објави по исчезнати лица, кои во моментот на исчезнување биле малолетни и тоа:
*за 10 деца до 14 годишна возраст
*за 6 малолетни лица од 14 до 18 годишна возраст.
Пријавени за исчезнати се девет малолетни лица кои се сместени во прифатен центар во Визбегово, (за лица баратели на азил во РСМ) и едно исчезнато малолетно лице во прифатен центар „Винојуг“ Гевгелија.
За сите погоре наведени лица потрагата за нивно пронаоѓање продолжува. Дел од наведените лица кои во моментот на пријавување биле малолетни, денеска се полнолетни со наполнети 18 до 43 години и согласно тоа потрагата се донесува за 6 малолетни лица и 3 малолетни лица – баратели на азил од прифатен центар во Визбегово.
Образовниот систем има важна улога во раното предупредување за исчезнати деца, вели директорката на ОУ„ Љубен Лапе“,Фоника Станоева. Двонасочната комуникација помеѓу родител и наставник е обврска за да се знае кога некое дете не е присутно на настава да се знаат причините зошто не е присутно бидејќи секое отсуство на дете е аларм за наставникот и за самото училиште.
Најмладото исчезнато лице во Македонија е 15-месечнта Елиф Фејзула од скопското село Стајковци. Нејзината фотографија се уште стои на страницата на МВР со исчезнати лица од Македонија, а исчезна во страотната поплава во Стајковци.
Во 1987 година, сред бел ден во близина на Олимпискиот базен во центарот на Скопје мистериозно го снемало петгодишниот Амет Алкан.
Некоја година потоа, македонската јавност ја погоди колективна траума и шок, но во исто време и страв за безбедноста на своите деца поради исчезнувањето на деветгодишната Билјана Србиновска. На 27-ми јануари 1990 година во атарот на скопското село Бразда беше пронајдено нејзиното безживотно тело.
Дане Мемеди, Мирсада Хелдовиќ, Митат Ибраими се само дел од децата кои се уште се наоѓаат на сајтот на МВР и се водат како исчезнати.
На 27 ноември 2023 година македонската јавност но и регионот беа погодени од нова колективна траума, Вања Ѓорчевска првично се водеше како исчезната за подоцна да се утврди најстраотната вистина дека е убиена во скопското село Бразда.
Извор: 24vesti.mk
