Националниот механизам за реформската агенда е мапа за трансформација и визија за иднината преточена во конкретни чекори. Преку него ќе ја отвориме вратата за системски дијалог меѓу институциите и граѓаните а европската перспектива ќе ја претвориме во конкретна реалност. Ова денеска го истакна министерот за европски прашања Орхан Муртезани на првиот состанок на Националниот консултативен механизам за Реформската агенда.
Муртезани објасни и дека Реформската агенда 2024/27 за Македонија е веќе препознаена во Брисел, не како политичка реторика, туку како сериозен реформски напор. Според него, потврда на нашата водечка улога во регионот, е барањето до Европската комисија за ослободување на 17,1 милион евра за имплементација на конкретни реформски чекори.
Овие мерки се само дел од реформската агенда која носи дополнителен финансиски поттик од 750 милони евра за Северна Македонија. Дел од овие средства се за директна буџетска поддршка, а значителен дел е наменет за инвестициски проекти и социоекономски развој, со јасна врска меѓу реформите и подобрувањето на животниот стандард на граѓаните. Паралелно веќе се работи на 16 нови чекори со рок јуни 2025 година, вредни над 70 милиони евра. Сето ова докажува дека веќе почнуваме да ги чувствуваме придобивките од членството уште пред формално да станеме членка на ЕУ
Бен Нупнау, заменик-шеф на мисија во Делегацијата на ЕУ, истакна дека транспарентноста и отчетноста се од витално значење за успешни реформи и инвестиции во рамки на Инструментот на раст. Според него, реформите имаат за цел да ја зголемат конкурентноста на Македонија, да создадат нови работни места и подобри услови за граѓаните.
Ние сме на почетокот на реформите и оценувањето за првите шест месеци е веќе во процес и овој состанок е точно на време. На овој пат имаме свои предизвици, и треба да овозможиме граѓанските организации да придонесат и одблиску да го мониторираат процесот за да се осигураат дека се оди како што треба. Реформските приоритети и предизвици се од голема важност исто така и градењето на партнерства со Владата и ЕУ за да имаме редовни системски механизми за мониторирање кои ќе имаат нивен фидбек од сите вклучени страни и да се осигураме дека има реформи кои се случуваат, а дека финансиите се насочуваат таму каде што треба и ако има непредвидени пречки тие да се адресираат
Националниот консултативен механизам е дел од тригодишниот регионален проект „Следење реформи и раст во Западен Балкан“.
Извор: 24vesti.mk
