АНКАРА (АА) – Директорот на Дирекцијата за комуникации на турското Претседателство, Фахретин Алтун, објави дека претседателот Реџеп Таип Ердоган утре ќе отпатува во Албанија за да присуствува на Шестиот самит на Европската политичка заедница, известува Анадолу.
Алтун во соопштението што го објави на својот профил на социјалните мрежи, наведе дека претседателот Ердоган утре ќе ја посети Тирана за да присуствува на Шестиот самит на Европската политичка заедница, чиј домаќин ќе биде Албанија.
Истакнувајќи дека на Самитот ќе присуствуваат шефовите на држави и влади на земјите кандидати и членки на Европската Унија (ЕУ), други европски земји, како и лидерите на институциите на ЕУ и генералните секретари на НАТО, ОБСЕ и Советот на Европа, Алтун го наведе следното:
„Нашиот претседател ќе се обрати на главната сесија на Самитот што ќе се одржи на темата ‘Нова Европа во нов свет: Единство – Соработка – Заедничка акција“. Предвидено е нашиот претседател да размени мислења за мирно решавање на регионалните и глобалните конфликти и прашања поврзани со безбедноста, стабилноста и просперитетот на Европа за време на контактите што ќе ги одржи со своите европски колеги во рамките на Самитот.“
Извор: Anadolu Agency (AA)
