Она што е договорено е договорено и нема веќе за што преговараме. Со оваа порака дојде претседателот на Европскиот совет Антонио Кошта, одговарајќи на прашањето дали Европската унија ќе понуди некакви гаранции за македонската влада за продолжување на преговорите со Брисел.
Во однос на преговарачката рамка, време е земјава да испорача додаде Кошта, што значи дека без уставни измени нема да почне отварањето на поглавјата. Нема план Б, дециден е Кошта и рече најдобро е да се фокусираме на планот А.
Претседателот на владата Мицкоски од своја страна ги повтори добро познатите позиции дека без гаранции за македонскиот идентитет од Европската унија, како и почитување на пресудите на Европскиот суд за човекови права нема да има напредок. Премиерот не одговори директно дали владата го сменила ставот за одложено дејство на уставните измени и кажа дека евроинтеграцискиот пат ќе продолжи со засилено темпо во наредниот период. Мицкоски вели подготвен е за средба со бугарската страна во секое време.
Кошта ја поздрави земјава за како што кажа успешно спроведените реформи и порала да се продолжи на реформиот пат особено на владеењето на правото и борбата против корупцијата. Европската унија ќе помага цело време во текот на процесот и на инвестициски план особено поврзано со коридорите 8 и 10 кажа Кошта.
Извор: 24vesti.mk
