Од Владо Јаневски со препознатливиот шарм во своите евергрини, па се до Тоше со неизмерна емоција, и Калиопи со глас што сече тишина – Македонија секогаш знаела како да остави силен печат на Евровизиската сцена.
https://www.youtube.com/embed/elUYzPBdQ8M?si=QzmG1Rex18HFhY95″ title=”YouTube video playerЈана Бурческа, македонската претставничка на Евровизија во 2017 година, за телевизија 24 вели дека иако концептот на Евровизија е добра можност за интернационална промоција, сепак трите години пауза може да се гледаат како период на преиспитување. Според неа, отсуството од фестивалот треба да се искористи за Македонија да се врати посилна на сцената.
– Македонија располага со извонредни вокални и музички капацитети, но можеби е време да размислиме надвор од стандардните рамки и да создадеме проект кој не само што ќе биде конкурентен, туку и автентично наш. Претпочитам да го истакнувам позитивниот аспект на нештата, па сметам дека е најдобро е отсуството од фестивалот да се искористи во насока на тоа се вратиме посилни, покреативни и порелевантни на европската сцена. Можеби големиот евровизиски јубилеј догодина ќе ни биде мотивација. – Јана Бурческа.
Годинава, македонскиот композиторот Дарко Димитров ќе биде дел од евровизискиот тим на Црна Гора. Претходно, имаше работено и други евровизиски песни за претставниците на Србија и Албанија.
Македонија својот најдобар пласман на Евровизија го имаше во 2019 година, кога со „Proud“ на Тамара Тодевска го освои седмото место. Годинава, 69- то издание на Евровизија се одржува во Швајцарија.
Извор: 24vesti.mk
