78. Кански филмски фестивал се отвора вечерва со големи очекувања дека ова издание ќе биде едно од најдобрите. Денеска беше претставено на жирито за Златната палма на чело со Жилиет Бинош, три филма во чест на Украина и филмот за отворањето, француската романса на дебитантката Амели Бонин „Замини еден ден“. На свеченото отворање на фестивалот, Роберт де Ниро ќе добие почесна Златна палма за живтоно дело, 49 години откако „Таксист“ ја освои главната награда во Кан.
Кан 2025 се надоврзува на изданието од 2024, кое лансираше голем број кандидати за Оскар, меѓу кои и „Емилија Перез“, „Супстанција“, „Тек“ и оскаровецот за најдобар филм „Анора“.
На свеченото отворање на фестивалот, Роберт де Ниро ќе добие почесна Златна палма за живтоно дело, 49 години откако „Таксист“ ја освои главната награда во Кан. (Фото: АП)
Кан започнува истиот ден кога Жерар Депардје, еден од најпознатите француски актери, беше прогласен за виновен за сексуален напад на две жени на филмски сет во 2021 година. Во еден од најистакнатите случаи во Франција на движењето #MeToo, Депардје беше осуден на условна затворска казна од 18 месеци. 76-годишната актерска легенда долго време е редовно присутен во Кан.
Годинешниот филмски фестивал во Кан, главниот меѓународен филмски собир, е на штрек и од барањето на американскиот претседател Доналд Трамп за царини за филмовите снимени во странство. Директор на Канскиот фестивал Тјери Фремо рече дека е прерано да се коментираат сè уште неформираните планови.
„Не знам што да кажам, навистина, за тоа“, рече Бинош на прашањето за царините. „Можеме да видиме дека тој се бори и се обидува на многу различни начини да ја спаси Америка и да го спаси својот задник“.
Заедно со Бинош во жирито се и Хали Бери и Џереми Стронг, кој лани не можеше да присуствува во Кан на премиерата на неговиот филм за Трамп „Приправник“. Бери, одговарајќи на новите протоколи на Кан за облека за црвениот тепих, рече дека имала „неверојатен фустан“ со долг заден дел за церемонијата на отворање, но наместо тоа ќе носи нешто друго. Кан ги забрани голотијата и фустаните со долги возови за вечерните премиери во Палатата.
Дваесет и два филма ќе се борат за главната награда на Кан, престижната Златната палма. Шест режисерки – Жулија Дукурно, Хајакама Чие, Хафсија Херзи, Кели Рајхард, Маша Шлински и Карла Симон – и ветерани како Вес Андерсон, Ричард Линклејтер, Јоаким рир браќата Дарден, Џафар Панахи се во трката.
Во селекцијта Извесен поглед во Кан, три истакнати актери имаат режисерско деби: Харис Дикинсон („Уличар“), Кристен Стјуарт („Хронологија на водата“) и Скарлет Јохансон („Елеонора Велика“). Геополитиката најверојатно ќе игра главна улога во Кан, кој започнува со прикажување на три документарни филмови за Украина од 2025: „Зеленски“, „Наша војна“ на Бернар-Анри Леви и „2000 метри до Андриивка“, од оскаровецот Мстислв Чернов аврот на „20 дена во Мариупол“.
ИЗВОР: sdk.mk
