Државниот секретар на САД, Марко Рубио синоќа телефонски разговараше со турскиот министер за надворешни работи Хакан Фидан и ѝ се заблагодари на Турција за подготвеноста да биде домаќин на претстојните директни преговори меѓу Русија и Украина, што ќе се одржат в четврток, соопшти американскиот Стејт департмент.
Во соопштението од департментот се наведува дека Рубио ја поздравил можноста за прекин на огнот меѓу Русија и Украина. Се очекува разговорите меѓу двете земји да се одржат во Истанбул овој четврток, а украинскиот претседател Володимир Зеленски изјави дека е подготвен да се сретне со рускиот претседател Владимир Путин во Турција.
Американскиот претседател Доналд Трамп предложи да се приклучи во преговорите.
Рубио и Фидан синоќа разговараа и за претстојниот неформален министерски состанок на НАТО во Анталија и важноста од зајакнување на трговските и одбранбените врски меѓу САД и Турција. Рубио вчера разговараше за „патот напред кон прекин на огнот“ во Украина и со европските партнери.
Извор: 24vesti.mk
