Првата сезона како тренер на Барселона за Ханси Флик е пред самиот крај, а Германецот веќе освои два трофеи, а на чекор е и од трет. Каталонците победуваа во финалињата од шпанскиот Куп и Супер куп против вечниот ривал Реал Мадрид, а Барселона ги победи Кралевите и на двата првенствени натпревари, па веќе во четврток против градскиот ривал Еспањол може и теоретски да го освои трофејот од Ла Лига.
Најпознатиот фудбалски инсајдер, Фабрицио Романо, објави дека Ханси Флик и Барселона се договориле за продолжување на договорот до 2027 година, а тоа и официјално ќе биде објавено на крајот од оваа сезона. Актуелниот договор на Германецот со Каталонците е до летото 2026 година, па ќе значи продолжување за уште една дополнителна година.
🚨🔵🔴 Hansi Flick has agreed on every detail of new deal at Barcelona valid until June 2027.
It’s all done and set to be sealed this month with formal signature, but already approved with contract drafts.
Official soon. One more year for Flick at Barça. pic.twitter.com/pOowwUDZfH
— Fabrizio Romano (@FabrizioRomano) May 12, 2025
Во Каталонија секако дека се задоволни од Ханси Флик, кој не само што ја врати екипата на победничките патеки, туку тоа го стори во директни дуели против Реал Мадрид.
Извор: kurir.mk
