Социјалистите со убедливо предство на изборите во Албанија. Актуелниот премиер Еди Рама пред уште еден четиригодишен мандат. Податоците на центрачната изборна комисија покажуваат дека Социјалистичката партија, која е во коалиција единствено со партијата на Македонците, Македонска алијанса за европска интеграција, има најмалку 83 пратеници во 140 члениот парламент.
Најдобри резултати постигнала во Тирана, Фиер, Драч и Елбасан. Од друга страна, коалицијата предводена од Демократската партија на поранешниот премиер и претседател, Сали Бериша „Алијанса за величествена Албанија“ во која се 25 партии, има најмалку 51 пратеник.
„Изборниот процес мина во согласност со сите регулативи. Регистрирани се неколку помали инциденти, за што ќе бидат преземени соодветни мерки. Граѓаните гласаа достоинствено, а партиите ги замолувам со смиреност и трпение да ги чекаат резултатите.“ – Илирјан Целибаши претседател на Централната Изборна Комисија на Албанија.
Првичните резултати треба да бидат објавени најдоцна до утре. Еди Рама одби да го коментира резултатот се додека не бидат потврдени официјалните бројки. Сали Бериша пак обвини дека немало никакви анкети туку се е по наредба на Рама.
„Секој глас против режимот заслужува најголема почит. Да издржиме до крајот за да го завршиме пребројувањето и на последниот глас. Тогаш, Демократската партија ќе ги направи сите свои проценки. Видовме како се вработуваат десетици илјади луѓе за да гласдаа, како две ноќи пред изборите беа простени казни од околу 150 милиони евра на над 170 илјади граѓани.“ – Сали Бериша претседател на Демократската партија.
Во однос на останатите партии, Социјалдемократската партија предводена од Том Доши е третата политичка сила во Собранието со 3 мандати, додека коалицијата „Иницијатива Албанија станува“, партијата „Можност“ и Движењето „Заедно“ имаат по еден мандат.
Извор: 24vesti.mk
