Еврокомесарот за одбрана Андриус Кубилиус денеска изјави дека Украина ќе биде најважниот дел од идната европска безбедносна архитектура.
Тој, на Форумот во Брисел посветен на одбранбената индустрија, истакна дека Украина набрзо ќе биде членка на Европска Унија, но од денеска е дел од европската одбранбена индустрија.
Според Кубилиус украинските вооружени сили веќе имаат искуство на бојното поле, што ќе биде корисно за ЕУ. Тој истакна дека Украина поради војната ги подобри своите борбени способности, особено во употребата на беспилотни летала.
– Армијата на беспилотни летала на напаѓачката страна во војната во Украина се подготвува за напад врз земја-членка на НАТО и ЕУ. За да го запреме Путин, треба заедно ЕУ и Украина повеќе да произведуваме. Мора да запомниме дека победата во Втората светска војна не беше само надмоќ на војниците, туку и на фабриките (за производство на оружје). Тоа важи и денес, мирот со сила се обезбедува со производствени капацитети и со памет, наведе Кубилиус.
Извор: 24vesti.mk
