Германија и Израел денеска прославуваат 60 години од воспоставувањето дипломатски односи со размена на официјални државни посети, објави Германската новинска агенција (ДПА).
Израелскиот претседател Израел Јицак Херцог денеска пристигна во Берлин, додека неговиот германски колега Франк-Валтер Штајнмаер се очекува утре и во вторник да го посети Израел.
Претседателите при посетите се придружувани од нивните сопруги, Елке Буденбендер и Михал Херцог.
Дипломатските односи помеѓу Германија и Израел официјално беа воспоставени на 12 мај 1965 година, по договор помеѓу тогашниот канцелар на Германија, Лудвиг Ерхард и израелскиот премиер Леви Ешкол.
Чекорот беше преземен по постепеното зближување помеѓу двете нации, чии односи носат длабоки лузни од холокаустот на нацистичка Германија, при што беа убиени околу шест милиони Евреи.
Извор: 24vesti.mk
