Туркије и Ирак потпишаа 11 договори за соработка во клучни сектори

АНКАРА/ИСТАНБУЛ (АА) – Туркије и Ирак денес потпишаа 11 договори, меѓу кои и во информатичко-комуникациските технологии, одбранбената индустрија и високото образование, по тет-а-тет средбата меѓу претседателот Реџеп Таип Ердоган и ирачкиот премиер Мухамед Шиа ал-Судани и меѓуделегацискиот состанок, во Анкара, јавува Анадолу.

Генералниот директорат за борба против нерегуларната миграција на Туркије и Одделот за миграции на Ирак при Министерството за миграции и раселување потпишаа договор за стандардни имплементациски процедури за доброволно враќање и реинтеграција на ирачките државјани.

Министерствата за внатрешни работи на двете земји потпишаа меморандум за разбирање за соработка во обуката.

Друг меморандум за разбирање беше потпишан помеѓу Генералната команда на жандармеријата на Министерството за внатрешни работи на Туркије и ирачкото Министерство за внатрешни работи.

Двете земји потпишаа договор за борба против нелегалната трговија со наркотици и психотропни супстанции.

Во областа на управувањето со катастрофи и вонредни состојби, Турската агенција за управување со катастрофи и вонредни состојби (АФАД) и Националниот центар за управување со кризи и катастрофи на Ирак при Министерството за внатрешни работи потпишаа Меморандум за разбирање.

Двете земји, исто така, го проширија договорот од 2009 година за информациски и комуникациски технологии преку дополнителен протокол потпишан од претставници на Министерството за транспорт и инфраструктура на Туркије и Министерството за комуникации на Ирак.

Друг Меморандум за разбирање беше потпишан помеѓу АЈДА Интернационални интегрирани одбранбени системи и ирачката групација Ал Заман за општи трговски договори и бродоградба.

Во високото образование, Турскиот совет за високо образование и Министерството за високо образование и научно истражување на Ирак се согласија да основаат претставништва и образовни програми за турските универзитети во Ирак.

Турското Министерство за индустрија и технологија и ирачкото Министерство за планирање потпишаа договор за соработка во метрологијата.

Турското Министерство за национална одбрана и Комисијата за воена индустрија на Ирак потпишаа Меморандум за разбирање за индигенизација во одбранбената индустрија.

Министерствата за правда на двете земји потпишаа Меморандум за разбирање за правна соработка.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.