Ништо од надежите дека во првиот обид ќе се избере нов папа. Од оџакот на Сикстинската капела во Ватикан излезе црн чад, што значи дека кардиналите ќе треба по втор пат да се соберат на конклава за избор на нов поглавар на римокатоличката црква.
Кардиналите ќе се вратат утре наутро и ќе се одржуваат четири круга гласање секој ден (два наутро и два попладне) се додека не се избере нов папа.
Изборот на новиот поглавар на Католичката црква се одржува зад затворените врати на Ватикан, во строга тајност и според прецизно утврдени правила. Кардинали од целиот свет се собираат на конклав, а светот со нетрпение очекува само еден знак: бел чад од оџакот на Систинската капела. Тоа означува дека е избран нов папа. Но, до тој момент, секој детаљ останува непознат за јавноста, а единствената информација што излегува од салата е бојата на чадот.
Изборот на папа се одвива на конклав, затворен состанок на кој учествуваат кардиналските избирачи. Сите присутни, вклучувајќи ги кардиналите и оние што им помагаат, се обврзани да одржуваат целосна тајност. Тие не смеат да откриваат ништо за кандидатите, текот на гласањето или причините за нивните одлуки, ниту за време ниту по изборите. Единствените информации што јавноста ги добива се исходот кој е избран за папа.
Извор: 24vesti.mk
