Прекинат субвенциониран студентски оброк на 181 студент кои живеат од наследна семејна пензија од починат родител – грешката настанала кога УЈП ја пресметале социјалната помош во месечните примања на студентите, по што тие биле автоматски исклучени од списокот на корисници, бидејќи имале примања поголеми од минималната плата, појаснуваат од Министерството за образование.
Од платформата за студентско информирање – Студентарија, кои добија реакции од студентите кои го загубиле правото на субвенциониран оброк, реагираат дека семејната пензија не е луксуз, туку социјално право кое се добива кога ќе се загуби родител.
Од оваа платформа укажуваат дека студентите кои примаат семејна пензија, оваа државна помош не ги прави финансиски независни, туку социјално ранлива категорија, и не смеат да бидат исклучени од други форми на поддршка.
Извор: 24vesti.mk
