Лаутаро Мартинез го коментираше пласманот на Интер во финалето на Лигата на шампионите по победата во два натпревари над Барселона. По нерешениот резултат 3-3 во Барселона, Интер во Милано ги победи Каталонците со 4-3 (по продолежние), обезбедувајќи го своето место во финалето по седми пат во својата историја.
Фудбалерите на италијанскиот тим беа расположени по натпреварот, а особено емотивен беше Лаутаро Мартинез, кој овој натпревар го одигра недоволно подготвен поради претходната повреда.
Иако не бев 100% подготвен, ставив завој и излегов на теренот. Имав само два тренинзи во текот на неделата. Се обидов да заздравам, а тие први два дена беа доста тешки. Седев дома и плачев. Така го живеам овој фудбал… Во вакви натпревари, мора да дадеш сè од себе. Сепак, му ветив на моето семејство дека ќе бидам на теренот. Дури и мајка ми беше загрижена, ми се јавуваше секој ден.
Многу сум емотивен. Игравме против одличен тим, но Интер постојано го крева нивото во последните четири или пет години. Овој тим никогаш не се откажува, а стадионот и навивачите се едноставно неверојатни“, рече Аргентинецот.
Ова ќе биде второ финале на Интер во Лигата на шампионите по 2023 година и натпреварот против Манчестер Сити, кој италијанскиот шампион го загуби со 1-0.
Извор: kurir.mk
