Универзитетскиот професор Гордан Калајџиев во Аргумент плус рече дека, статистички гледано судовите и обвинителствата покажуваат најдобри резултатите од аспект на ефикасност.
Според него, предметите во 90% од случаите завршуваат со пресуди. Тој зборуваше и за тоа дека политичарите го користат судскиот совет како алатка за влијание.
„Статистички, судовите и обвинителството кои трпат критика тие покажуваат во суштина најдобри резултати од аспект на ефикасност, не викам дека се е како што треба. Она што им се замерува е дека наводно случаите кои ќе ги припреми МВР ќе ги застарат. Во повеќе од 90% од предметите завршуваат со пресуди. Поголемиот пробелем е тоа што никој не води сметка за човековите права. Оваа проблематична пракса под притисок на јавноста се доведува под стрес да има поголема ефикасност и построги казни. Перцепцијата е дека проблемите со корупцијата ќе ги реши судството“, рече Калајџиев.
Тој зборуваше и за тоа дека политичарите го користат судскиот совет како алатка за влијание.
„Судскиот совет не е судски орган и нема влијание врз правораздавањето. Тој им е важен на политичарите. Тие не се заинтересирани за општото добро туку за своето влијание. Судскиот совет е замислена како институција да помогне во судството, а ние успеавме да ја направиме во алатка за влијание. Истиве проблеми ги имаме 20 години. За судскиот совет не успеавме да отвориме никаква сериозна дебата. Во литературата има доста негативни критики за тоа колку се успшени овие механизми во моделите на транзиција. Не успеаа да најдат друг механизам и го форсираат овој“, додаде Калајџиев.
Извор: 24vesti.mk
