Барањето на клубот „Шкендија бокс“ за одржување на натпреварот на шампионите на плоштадот „Илирија“ во Тетово е одбиено. Организаторот Халим Абази вели дека настанот има многу гледачи и не може да се одржи никаде на друго место освен на плоштадот. Тој апелира до градоначалникот повторно да го разгледа барањето.
-Сега не гледам зошто би ме одбиле кога турнирот „Ноќ на шампионите“ е еден од најголемите настани што ги има Тетово и отсекогаш имал над 3.000 или 4.000 гледачи и да имавме сала со три или четири илјади гледачи ќе го направев тоа во сала, но имаме некои мали сали што не собираат ни 500 луѓе внатре, сакам градоначалникот да се преслуша и да донесе поинаква одлука“, вели Абази.
Од Општина Тетово велат дека од 16 јули до 4 август, плоштадот ќе биде зафатен со „Тетовско лето“, додека апелираат клубовите или здруженијата да користат една од салите на средните училишта.
-Исто така, имавме неколку барања за користење на плоштадот од различни клубови, но сите беа одбиени од истата причина. Во овој период додека не се организира „Тетовско лето“, ве повикуваме да користите една од салите на средното училиште за вашите активности“, рече Албион Алили, портпарол на Општина Тетово.
Но организаторот на „Ноќта на шампионите“ инсистира, или на плоштад или нека го пратат во затвор!
-Биљал Касами има две опции, нека ја вклучи мојата активност во културното лето, еве нека дојде и нека ме уапси, бидејќи нема да ја прекинам мојата активност, бидејќи на 26 јули мојата активност ќе биде во живо на Косовската телевизија, во живо на телевизија во Македонија и во живо на телевизија во Германија, нека го видат тоа и сè друго ќе се реализира, организаторот ќе биде затворен-рече Абази.
„Ноќ на шампионите“ се организира од 2016 година. Досега се организирани 12 турнири, од кои три се во рамките на Тетовското културно лето, додека девет пати е во посебна организација. На овој турнир, покрај натпреварувачи од земјата, учествуваат и натпреварувачи од Балканот и светот.
ИЗВОР: ТВ 21
