Мерки за претпазливост за претседателката на ДКСК, Татјана Димитровска, осомниичена во предметот „Адитив“. Кривичниот суд попладнево го прифати барањето на обвинителството за организиран криминал и корупција и одобри привремено одземање на патната исправа и забрана за издавање нова.
Претседатлката на ДКСК, доби и забрана да работи на случаи поврзано со кривичното дело. Засега нема потврда како Димитриовска е поврзана со предметот а неофицијално се сомничи дека издала службена информација. Од прибраните докази, донесена е наредба и за спроведување на истрага и за уште три лица.
„Во однос на осомничената Т.Д. која доцна попладнево беше изведена пред судија на претходна постапка во однос на продолжување на акцијата во јавноста позната како “Адитив”, по нејзино произнесивање во однос на предлогот на ЈО за определување мерки за претпазливост, донесено е решение со кое СЕ ПРИФАЌА предлогот на ОЈО ГОКК и се опредлуваат мерки за претпазливост согласно точка 3 и точка 7 односно Привремено одземање на патната исправа; и Забрана за преземање на одредени работни активности поврзани со кривичното дело.“
Предметот Адитив се однесува на истрага за злоупотреба на јавни набавки и перење пари во врска со набавката на адитиви за јаглен за потребите на АД ЕСМ – Подружница РЕК Битола и РЕК Осломеј.
Според обвинителството, осомничените организирале и извршиле пререгистрација на правни субјекти за да ги изиграат постапките за јавна набавка, а со што овозможиле одредени компании да добијат договори и да се стекнат со значителна имотна корист. Истрагата беше покрената во декември минатата година а претреси беа извршени на преку 70 локации во Скопје, Битола, Неготино, Велес, Кичево.
Во февруари годинава, обвинителството за гонење на организиран криминал и корупција поднесе обвинение против 31 физичко и 5 правни лица.
Под истрага се поранешните директори на ЕСМ Васко Ковачевски, кој веќе со месеци е во бегство и неговиот наследник Васко Стефанов.
Извор: 24vesti.mk
