Пратеничката на СДСМ, Бисера Костадиновска-Стојчевска, на денешната собраниска седница посветена на пратенички прашања, упати прашање до министерот за култура Зоран Љутков, кое се однесуваше на неисплатените плати, непочитувањето на колективниот договор за исплата на платите на културните работници .
Поранешната министерка за култура го потсети актуелниот министер „дека е многу лесно од партиска говорница да се напаѓа и да се измислува, а сега да се кажува нешто сосем друго, соочен со реалноста и вистината“.
Кажавте дека сте биле член на СКРМ во време на потпишувањето на колективниот договор, и јас очекувам – бидејќи вие секогаш сакате правда и исправање на криминал – дека, ако нешто било незаконско во тој колективен договор, требало да реагирате и да укажете, како што денес тврдите, истакна Костадиновка Стојчевска на тврдењето на Љутков дека Колективниот договор немал поддршка од Министерството за финансии.
Таа уште му стави до знаење на министерот дека во завршната одредба на овој колективен договор стои дека тој останува во важност до моментот на потпишување на нов колективен договор како реакција на негвитѕе најави дека се подготвува нов колективен договор.
Актуелниот колективен договор, укажа Бисера Костадиновска-Стојчевска е важечки според сите одредби и дека нема никакво оправдување зошто подготовките за пресметка и исплата на мартовската плата не беа направени навреме.
„Вие знаете дека секогаш со мартовската плата во културата се прави усогласување со минималната плата, откако таа започна да расте. И токму моето прашање до вас: зошто не ги направивте новите решенија на време? Зошто урнек-решенијата се испратени на 10 април до установите, знаејќи дека имате безмалку околу 100 културни установи – 49 под Министерство за култура и 49 под локална самоуправа? И зошто дури на 10 април се добиени тие урнек-решенија и не се потпишани од тој што ги изработува? Дали не бевте во државата? Дали во Министерството за култура ова е времето кога се користат ланските одмори, па сега немате таму помош? Или имавте некоја друга намера?“, нагласи пратеничката Бисера Костадиновска Стојчевска од собраниската говорница на седницата за пратенички прашања.
ИЗВОР: racin.mk
