Пратеникот од ЗНАМ, Даниел Стојчевски во Отворено рече дека, јавните комунални претпријатија немаат директна помош од Владата.
Според него, за да немаат финансиски проблеми и долгови потребно е цените за претпријатијата за електирчна енергија и вода, да ги одредува регуаторот. Тој рече дека и потребни се долгорочни мерки за во иднина.
„Јавните комунални претпријатија немаат директна финансиска помош од страна на Владата, има исклучок каде владата донесе одлука за плаќање на долг на две јавни претпријатија во Струмица и Берово. Имаме системски проблем, не може советите да им ја определуваат цената, мора да има цена од регулаторот. Советите се политички тела што носат политички одлуки и секогаш носат одлуки што нема да направат рекција кај граѓаните. За да го надминеме тој проблем, претпријатијата треба да инвестираат во својата мрежа. Сега тие работат само за плати а не да инвестираат да намалат згуба. Тоа ако инвестираат е од некои фондови. Не располагаат со сопствени средства бидејќи имаат блокирани сметки“, рече Стојчевски.
Тој објасни и дека има Закон за отпис на камата на долговите но е заглавен во Собрание. Според него, во моментов се работи на него.
„Ние имаме Закон кој е заглавен во Собрание. Се работи за Закон за отпис на камата на долгови кои ги имаат кон државни иституции. Така ќе им се даде можност за исплата на рати. Треба да се пушти, има работна група. Треба да се направи анализа за да се оди на фазни решавања на проблемот. За долгорочни мерки прво треба да ги одблокираме за да може да ја вршат својата дејност. Јавните претпријатија работат со блокирани сметки и може да плаќаат само плата но што е со долговите кои ги имаат. Тоа се сериозни проблеми. Треба овој Закон да се стави во собраниска процедура, доколку има потреба да се корегира и веднаш да се донесе и подоцна да се оди на долгоочни мерки“, додаде Стојчевски.
Извор: 24vesti.mk
