Претседателката на Синдикатот на културни работници, Вера Атанасовска во Аргумент плус рече дека, проблемот со платите во културата е ист секоја година поради усогласувањето со зголемената минималната плата.
Според неа, сега платите треба да се пресметуваат на друг начин и со тоа ќе се променат решенијата за плата. Таа зборуваше и за избирањето на нов директор во Филхармонија.
„Согласно колективниот договор е усогласувањето на сите плати со растот на мин ималната плата. Ова е проблем секој година, усогласување на платите согласно зголемувањето на мин плата, посебно со потпишуваањето на општиот колективен договор. Мислам дека нема да земеме плата утре бидејќи денека се променија нештата. Институциите добија насоки да пресметуваат плати на нов начин. До денеска имаме информација дека воопшто ниту една институција нема пресметано плата согласно новите насоки бидејќи тие се нејасни и се косат со законските одредби. Платите ќе бидат зголемени но се работи за проценти кои ќе се скратат. Двата начини се различни. Ние имаме решенија за плата кои се по еден терк сега бараат да се поништат тие решенија и да се направат нови. Ние апелирме да не наоѓаат начини како да се скрати, туку да се постапува согласно договорите. Ние нема да прифатиме решенија со пониски права. Ќе ги обжалиме решенијата“, рече Атанасовска.
Таа зборуваше и за избирањето на нов директор во Филхармонија. Според неа,
„За жал партизацијата е навлезена сегде во институциите на културата. Ние имавме допис до Министерство за култура во кој баравме ослободување од партизација. Во култура директори се бираат на оглас. Кажувањето на имиња пред време покажува дека не се почитува конкурсот. Не можеме да знаеме пред време кој ќе се пријави. Мислам дека од Синдикатот на Филхармонија ги спремаат тужбите, сметаат дека се прекршени законските одредби, тоа останува да се докаже. Така да, само можеме како синдикат да апелираме во иднина да не се шпекулира со имиња, туку да се бираат со конкурс“, додаде Атанасовска.
Извор: 24vesti.mk
