Кина одлучи да го игнорира секое идно покачување на царините кое ќе во воведе американската администрација. Додека си џинпин ја продолжува турнејата низ југоисточна Азија, од кинеското министерство за надворешни работи порачуваат дека воопштио нема да обрнуваат внимание ако САД одлучат да ја продолжат, како што ја нарекоа, играта со бројки, кога станува збор за царините.
Неодамна, од Белата куќа објавија дека Пекинг соочува со царини до 245 отсто поради нејзините одмазднички мерки. Од Вашингтон велат дека вкупните давачки на Кина ја вклучуваат најновата реципрочна царина од 125 отсто, царина од дополнителни 20 отсто за справување со кризата со фентанил, како и царини меѓу 7,5 и 100 отсто за одредени стоки поради нефер трговски практики.
„Царинските и трговските војни немаат победници. Кина не сака да се бори во тие војни, но ниту се плашиме од нив. Ако САД продолжат да ја играат оваа игра на броеви со царини, тие едноставно ќе бидат игнорирани. Но ако САД продолжат да нанесуваат штета на правата и интересите на Кина, ќе одговориме со решителни контрамерки и ќе останеме на својот став до крај.“ – Лин Џијан портпарол на министерството за надворешни работи на Кина.
Доналд Трамп пак тврди дека е постигнат голем напредок во трговските односи со неколку земји, меѓу кои Јапонија и Велика Британија.
„Голема чест за мене – штотуку се сретнав со јапонската делегација за трговијата. Голем напредок!“ – Доналд Трамп.
Британските медиуми пак повикувајќи се на извори од владата, наведуваат дека договор меѓу Лондон и Вашингтон, може да биде постигнат за најмногу три недели. Земјата се соочи со царини од 10 проценти на сите производи извезени во САД.
Во меѓувреме, Светската Трговска Организација значително ја намали прогнозата за глобалната трговија со стоки, предвидувајќи пад од 0,2 отсто оваа година поради негативните ефекти од американските царини. Прогноза претставува остар пресврт од претходно проектираниот раст од 3,0 проценти, додека организацијата предупредува дека трговијата може да го доживее најголемиот пад од 2020 година, кога светот беше погоден од пандемијата на коронавирус.
Извор: 24vesti.mk
