Со 6 златни медали, Македонија блесна на светската танцова сцена

Македонската репрезентација составена од 22 танчари блескаше на Светското првенство во латино танци што се одржа во Варшава, Полска од 11 до 13 април, претставувајќи ја нашата земја со страст, енергија, извонреден талент и танц!

На ова високо престижно натпреварување, каде конкуренцијата доаѓа од сите краеви на светот, танчарите на Dancers United освоија вкупно 19 медали – 6 златни, 8 сребрени и 5 бронзени, ставајќи ја нашата земја високо на мапата на светскиот танцов спорт.

-Не постои поголема чест од тоа да се слушне македонската химна на светска сцена, како симбол на трудот, сонот и успесите на овие млади уметници, велат од Dancers United.

Посебно емотивен момент беше настапот на инклузивната група од студиото Dancers United, кои низ својот танц испратија силна порака за еднаквост, поддршка и моќта на уметноста да ги надмине сите бариери. Со својата енергија, искреност и храброст, тие ги освоија симпатиите на публиката и учесниците од целиот свет. На овој натпревар од светски рамки бевме поддржани од Министерството за култура и туризам.

„Овој значаен успех е резултат на долгогодишна посветеност, истрајност и љубов кон танцот – вредности што ги споделуваат танчарите, нивните ментори и семејствата.

Македонија има со што да се гордее – затоа што танцот зборува гласно, а овојпат зборуваше на јазикот на победата, солидарноста и љубовта. “ – изјави Сара Кочан која беше официјален судија, претставник на нашата Македонија.

Ова се наградените:
Златен медал

1. Dancers United Младинци – Choreographed Latin American style кореографија ,,1001 Nuits’’, Youth & Adults
2. Нина Спасовска – Paso doble, Juniors 1
3. Нина Спасовска – Choreographed Latin American style кореографија ,,The Godfather’’, Juniors I
4. Ангела Николиќ – Choreographed Latin American style кореографија ,,Madonna’’, Juniors II
5. Луна Дариа Кочан – Choreographed Latin American style кореографија ,,Eurovision’’, Mini Kids
6. DS Crew – Inclusive Dance Show Mixed age кореографија ,,River’’
   Сребрен медал
7. Евгенија Арсова – Paso doble , Youth & Adults
8. Луна Дариа Кочан – Cha-cha-cha, Mini Kids
9. Евгенија Арсова – Choreographed Latin American style кореогрфија ,,The Becoming!, Youth & Adults
10. Луна Дариа Кочан – Jive, Mini Kids
11. Луна Дариа Кочан – Rumba, Mini Kids
12. Луна Дариа Кочан – Samba, Mini Kids
13. Емили Нера Кочан – Choreographed Latin American style кореографија ,,Dua Lipa’’, Juveniles 1
14. Dancers United – Choreographed Latin American style кореографија ,,Time Machine’’, Juveniles
    Бронзен медал
15. Нина Спасовска – Rumba, Juniors 1
16. Dancers United – Synchronised Latin American style кореографија ,,Pretty in Red’’, Juniors
17. Ангела Николиќ & Михаела Филипова – Choreographed Latin American style кореографија ,,Broadway Stars’’ , Duos – any Youth & Adults
18. Срна Трошановска – Choreographed Latin American style кореографија ,,Michael Jackson’’, Juveniles 1
19. Нина Митревски – Choreographed Latin American style кореографија ,,Modern Cinderella Story’’ , Mini Kids