Ердоган: Во период на зголемени тензии и нови кризи, Туркије им дава приоритет на правдата, мирот и дипломатијата

АНКАРА (АА) – Претседателот на Туркије, Реџеп Таип Ердоган, истакна дека секој кој ќе биде пречка Сирија да постигне траен мир и стабилност, пред нив ќе ги најдат сириската влада и Туркије, известува Анадолу.

Претседателот Ердоган, им се обрати на претставниците на медиумите по состанокот на претседателскиот кабинет.

Во својот говор Претседателот Ердоган истакна:

„Во период кога тензиите се зголемуваат и постојано се појавуваат нови кризи, Туркије ќе продолжи да им дава приоритет на правдата, мирот и дипломатијата“.

Турскиот претседател посочи дека во Сирија е елиминирана можноста за враќање на периодот пред 8 декември и додаде дека со револуцијата од 8 декември во оваа земја е започната нова ера.

„Отворено кажувам дека секој кој ќе биде пречка Сирија да постигне траен мир и стабилност, пред нив заедно со сириската влада ќе нѐ најде и нас“, подвлече претседателот Ердоган.

Тој истакна дека како што не дозволиле Сирија да биде поделена преку терористичкиот коридор, нема да дозволат таа земја да биде поделена ниту преку други коридори.

„Наместо тестирање на нашето трпение во Сирија, некои актери треба да го ценат пријателството на Туркије, да се однесуваат како држава, а не како (терористичка) група“, посочи претседателот Еродган.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.