Тона Карева Талеска од Хелсиншки комитет за човекови права во 24 анализа рече дека за предлог измените на законот за основно образование не бил консултиран никој засегнат. Според неа, антиродовите движења во Македонија се трудат да докажат дека препознавањето на ЛГБТИ заедницата ќе ги натера младите да станат дел од неа.
„Образложението кое стои во предлог измните е дека е усогласување со Уставот што е апсурдно бидејќи Законот за спречување и заштита од дискриминација е усогласен со Уставот и со сите конвенции и тоа е квалитетен закон кој е донесен во транспарентна постапка во кој беа вклучени сите засеегнати страни. Интенцијата е јасна, а тоа е да се правиме дека не постои одредена група на луѓе, ЛГБТИ луѓето, тоа е поразително за сите. Не се бришат само основите за дискриминација, туку и родовата еднаквост и информациите за сексуално здравје кои се важни. Со овие измени не беше консултиран никој, немам информации дали се консултирале со мон“, рече Карева Талеска.
Таа објасни дека антиродовите движења во Македонија се трудат да докажат дека препознавањето на ЛГБТИ заедницата ќе ги натера младите да станат дел од неа.
„Ова кај нас е нешто кое е резултат на сите антиродови движења кои се трудат да докажат дека со препознавањето на ЛГБТИ занедницата и препознавањето на сексуланта ориентација ќе ги натераат младите да станат дел од ЛГБТИ, тие активно работат и на напади на активисти. Сето ова на Владата и дојде како добар аргумент и очигледно е дека тоа и се целите на ова Влада“, додаде Карева Талеска.
Извор: 24vesti.mk
