Мора да престане политичкото влијание во истражниот процес за кочанската трагедија, повикуваат од ДУИ. Потпретседателот на Интегративците, Арбр Адеми, во Дејли Клик рече дека оваа трагедија се случила за да се запре постапката за разрешување на главниот обвинител Љупчо Коцевски, алудирајќи на условна казна.
„Обвинителството треба час поскоро да се ослободи од овој условувачки извештај, пред кого се ставени и врз основа на аргументите и доказите да го води и овој случај кој е меѓу најголемите од истражните органи на прогонот во земјава. Замислете го апсурдот на целата оваа приказна! Се иницира постапка за разрешување, јавно се вели дека оваа постапка започнала и нема враќање назад. Се случува трагедијата во Кочани, се следи партиската линија при истражната и предистражната фаза и излегуваат и велат, ја стопираме таквата постапка“, вели Арбр Адеми.
Во врска со апсењето на поранешниот министер за економија, Крешник Бектеши, по трагедијата во Кочани каде животот го загубија 59 лица, Арбр Адеми од ДУИ рече дека ја видел кривичната пријава и предлогот на Обвинителството, кој, како што вели, е апсурден и дека се работи за политичка конструкција и прогон. Тој вели дека семејството Бектеши долго време е цел на политички прогон.
„Крешник Бектеши во текот на својот живот доживеа политички прогон, бидејќи во семејството на Крешник има најмалку 6 лица кои биле политички затвореници. Синот на неговата тетка Адем Карага, актерот, заедно со неговата мајка, тетката на Крешник, биле политички затвореници пред војната во 2001 година. Политички затвореници биле и двајцата синови на другата тетка на Крешник, а двајцата вујковци на Крешник биле политички затвореници во 79-82 година. Третиот вујко побара политички азил во Шведска како пријатели на Јусуф Грвала“, додава Арбр Адеми.
Адеми изрази и чудење како е можно ниту еден актуелен функционер да не е осомничен, а да се уапсени само функционери од претходната власт.
ИЗВОР: ТВ 21
